Iaz mechet i enk a amol epes sogn, nochdem viele Kritiken kemmen sein in die letztn Tag und Wochn. Inwiafern losst Qualität zu wünschen übrig? Mir sein tiaf gfolln? Wos laft seit dr Werbung nicht mehr so wie früher? Mir entwickln die Seite laufend weiter und lei wal iaz a poor Banner online sein so viel kritisieren?! Wia stellts es enk vor, dass mir des gonze finanzieren? Jeds Monat über 50€ Server Kosten, Domains und far gonzn Orbet de mir investiern redn mr gor nit. Man sollet a bedenkn, dass de Seite nit insere Hauptorbeit isch sondern lei a Nebentätigkeit, de mir aus Lust und Laune entwicklt hobn und firn sem a nix kriag hobn. I tua studiern und dr Lukas orbeitn und di sem 2 Sochn terfn af koan Foll drunter leidn. I konn lei fa mir redn und konn enk sogn: mein studium leidet doch ziemlich drunter. Obr i hons mr jo so ausgsuacht und steck meine zeit a gern in de seite eini. Dass dr ursprüngliche Boom far Seite im Moment nochglossn hot isch gonz klor (mir sein iaz seit bold 5 Monat online). Wobei obr a zu sogn isch, dass insre Statistiken nit viel schlechter ausschaugn als no vor a poor Monat. Sein immerhin afnocht olm no über 400 gleichzeitige Spieler online. Obr durch nuie Features de mir einbaun, versuachn mir nor wieder die Seite Interessant zu mochn (es isch no viel geplant, wia a schun oft gsog gwordn isch) und einiges isch a schun kemmen, a wenn di Reaktionen drauf teilweise a nit guat worn. Des gonze Thema um die FF Korten. Dass die Qualität nit die beste isch wissn mir, obr ins hot man si in der Auflösung gebn und nor kennen mir a nix mochn. Und wenn si in jemand nit passn, nor muas er si jo nit verwendn. Do verstea i a nit brums so viel Aufregung gib, es isch a Feature des jemand nutzn konn odr auch nicht. Es seits logisch herzlich einglodn enkre Kritik auszusprechn, lei nor bitte a a bissl konstruktiv: mit Aussogen wia "Qualität losst zu wünschen übrig", "Seit eurer Werbung läuft nichts mehr so wie früher" kennen mir nit recht viel onfongen, wal mir nit wissn wos es problem isch. lg

Es miasts ins sogn WOS net geat... weil i muas ehrlich sogn, bei mir geat olles und i merk koane "Hänger"... Lei zu sogn "es geat nix mehr, katastropfe!" isch 1. net grod motivierend für ins und 2. hilfts ins GOR NIX weiter! Also kontruktive Kritik isch olm willkommen. Mir kennen a net 24 Stundn im Tog auf der Seite sein und schaugn ob sich olle benemmen... Schun schod, dass man sel miaset... Mir wern die Registrierung nor einführen. WEGN DIE FF KORTEN: MAN MUAS NET MIT DE SPIELEN!!! Es gib genügend Spiele OHNE die FF-Korten! Und es gib a genügend de mit die FF-Korten spieln welln. Die Korten hoben mir DIREKT VON DER FF gekriag und mir kennen an der Quali a nix ändern. Wia gsog, spielts holt bei Spiele ohne FF-Korten mit, wenns sie schun net wellts, oder mochts a eigenes Spiel. Tjo... kritisieren isch olm leicht... bsunders wenn man net woas wos dorhinter steckt! Für olle, de die WERBUNG kritisieren: Mir stelln enk do GRATIS a Seite zu Verfügung wo gwattet werdn konn, wo täglich 5000 Spieler onzutreffn sein, schaugn dass olles laft, investiern in Groaßtoal insrer Freizeit, und nor solln mir a no die gonzn Kostn für Server, Domains usw übernemmen?! Denkts mol driber noch...