hallo lukas und stefan,ihr seid für mich helden.2 spiele am tog tuat mir so guat.konn für 1 stund den alltag vergessen.bleibs uns weiter treu.danke

Man sollte auch im Spiel noch schönere tun Können

ganz liebe grüße an hilli

supper lillibe besser kant man de seite nit beschreiben a von mir a mol a gonz a dickes danke an die zwo buben. bravo buben mocht weiter so!!!!!!!!!!

Supo Seite!! Wia wars mit a Watten iPhone app? Sel war donn top!

Volle cool

Hoila Lillibe, super Beschreibung insern Wattpartner,isch fir olle eppas dabei

hallola, LILLIBE !!! Bravo, do hosch in Nogl afn Kopf getroffn. Schiane Worte, de Superseite zu beschreibn .

ist es möglich,das man beim spielen von jemand herausgeworfen wird? Grü?e sepp

Jo Lukas und Stefan, des wertes enk net gimoant hobm, bold es is Oneline Watten dofuntn hop. Ach du meine Güte, do isch wos los. Ban Autian kimpsch schun amol af a Seite, do denkschto schun glei, “ des wundert mi.“ 300.000 fertig gspielte spiele. Wau! Drucksch af spieln, nor geats rund. Do sausn die Kaschtlan auf und nieder, wia die wildn: „frei, besetzt- besetzt , frei“. Ban besson hinschaugn sigsche,“teilnehmen - zuaschauen“. Interessant! Do kansch amol mit tian. Bisch obo net schnell genua, isch do tisch schun wieder besetzt. Oschtale, do danebm isch a kaschtl wo gschriebm wert. Pualein, do geats auf! Do isch schun lei amol nett, huckn, zuaschaugn und lesn. Oftamol mogschti gor a wian schleinen mit lesn, fa lauter as die laitlan, hinto de fantasievolln namen, viel und schnell schreibm. + A bissl gschtrietn wert, odo besso gsog heftig debattiert und nocho wieder gschoffn. + Pa viele druckt irgendwo do Schua. Die Chatfamilie vosuacht natirlich glei zi helfn. Die meischtn hattn a Schmirbl parat. + Als Partnersuache wert des Online Wattn ah genutzt. Die oanen, a bissl aloane, suachn a nettes Frauile odo Mandl. + Wos wer welle Hausorbat mocht, dofrog man ah. + Die ondon hobms wilde gineatig und kemmen lei schnell eino, „Hallo“ zi sogn. + Ihre tian lei sumsn und meckon, obo die meischtn tian enk wilde lobm. Geasch nor in an 4er watter eini, woasch net, wia is spiel volafn wert. + Atiamol dowisch a Runde, jo do kriagsch foscht Bauchkrempfe, fa lauto Lochn. + Ihre tian weretn gonzn spieln lei schnotton und ratschn, ob de vom Spiel wo eppas mitkriagn und ondore sein stille wia a maisl. + Oftamol dowisch an Partner, der des Spiel wiederum sehr ernscht nimmp. Und wenns net genau a so geat wia er moant, pamps, weck ischo. Und du steasch (sitzsch) gonz aloane do. Net amol pfiati dosoggo mehr. +Hi und do moant oander, es isch a Einmannspiel und endscheidet olls aloane. Des dofuxt in sem sein Partner obo wilde. + A poet isch a dobei, der hellt is chat mit seine sprichlan au. Do muasch a ti gonz schian kopfn, wos gimoant isch. + Viele welln wissen obse mit an Mandl odo Weibile spieln und fa wo se sein. Nor gibs no die 2er Watterlen. Mah, wos do eppo gschpielt wert, tat mi schun a wia wundon. Do Chat isch olm zua und man siecht net eini. Vielleicht ischs lei a Problembesprechung? Odo findet sogor do herinnen a Tepfl is Lickl fir sein Lebm? Wer weiß? Jo,jo meine zwoa liabm Buabm, des wertes enk in die kinschtn Trame net vorgschtellt hobm wos do olles los isch, af enkror Superseitn Des isch mein kloanes Danke an enk Lillibe